Inhalt

Kopfregest:

Erzbischof Aribo von Mainz und Bischof Godehard von Hildesheim streiten in der Kirche zu Gandersheim.

Vollregest:

Stürmischer Auftritt zwischen Aribo und Godehard.

Inde rediit ad Gandesheim. Cuius susceptioni imperterrite principatur praesentia domni episcopi. Quod archiepiscopum momordit altius quam quisquam tunc ratus fuit. Qua de re ad nota sibi confugit perversitatis oracula. Die sequenti, dum domnus episcopis stans ad aram infulatus, mundo crucifixus vellet celebrare misterii divini tremenda eucharistia pro sui et populi ignorantia, adest archiepiscopus, qui minitando domnum episcopum ex altario dimoverat iracundus. Domnus episcopus, considerans quod melior est obedientia quam victimae, doctus a Deo magistro factus est obediens, ab altario se suspendens. Hoc conflictu munitus archiepiscopus, praeparat se missas celebraturus. Post missarum sollemnia, dum rex cum episcopis praesentibus sua peteret cubilia, offendit domnum episcopum pedibus eius volutum, ipsis paramentis quasi altari adstaret infulatum et super inrogata iniuria propulsionis a suo altario queritantem. Omnes enim et iusticia et inaudita compassione illi favebant. Quo audito rex nec ad dextram nec ad sinistram declinare valens, sed ipse misericordia motus, in Gruna illam execrabilem discordiam generali sinodo secundum divina et humana diffinire disposuit. Wolfherii Vita Godehardi ep. contin. vitae Bernwardi. in: MGH SS 11, 167;

Hinc rex Gandesheim adiit, cuius susceptioni noster antistes episcopali iure affuit, quod archiepiscopo ut postmodum aperuit, altius quam tunc opinaremur condoluit. Nam domnus noster postera die se ad principale eiusdem aecclesiae altare missam celebraturus paravit, quem idem metropolitanus indigna quadam conviciorum acerbitate ab eodem altario dimovit; quod iste pacienter sustinuit, et in sacello quodam secretiori missale officium astante rege consummavit. At ille alter publice ibi missam agere decrevit, sed sanctimonialum clericorumque eo loci commanentium studio impeditus destitit. Cum autem rex post missam cubiculum repetivit, Godehardus praesul sic infulatus ut astabat altari supervenit, et ipsi regi ac coepiscopis ceterisque principibus de praedicta sui repulsione lacrimabiliter querimoniam egit. Hoc certe, ut decuit, tam regi quam et optimatibus displicuit. Sed consilio eorum suspensum est idem negotium Gruona diffiniendum. Wolfherii Vita Godehardi prior. l. c. [MGH SS 11,] 187. 

Quellenansicht

Keine

Metadaten

Personenindex

• Hildesheim: Godehard [Bi. 1022-1038] (Nennung)
• Mainz: Aribo [Eb. 1021-1031] (Nennung)

Ortsindex

• Gandersheim : Stift (Nennung)
• Grone : villa (Nennung)