Inhalt

Kopfregest:

Schreiben des Siegfried von Glauburg und Heilman Schildknecht an den Rat in Frankfurt bezüglich Schloss Tannenberg.

Vollregest:

Vnße gedruwin willigen Dinst zuvor, lieben Herrn, wir lassin ewer Gnad wissin also als ir vns geschriben hattint daz wil vnße Herrn von Mentze vnd unß. Herrn der Htzoge ir yed sechs wagen zu dem Geferte der fust Bussin vff diese nehste Mandag zu Obind schicken, wartende der große Bussin vnd ir Zugehörung vff die Zyt als ir vns geschrieben habent, vnd den vorgenanten fürsten Ernste vnd anmynne, vnd wir wollen auch vnße Wagin den wir von ewrn Gnaden haben vff dy Zyt dar schicken. Auch dun wir vch wissende daz unßs Herr des Htzogin schützen vnd die synen mit schermen vnd geschaffte hart an das slozz an die grabin han gesaßt vnd sten dag vnd nacht alda, auch schießen sie uz dem slozz ein stein als grozz ein Heller Brotgin vnd sust mit Bly, vnd von gotz gnaden biz her nymandes geschar, syt wir in dem Felde sin gewest vnd mein ein deil Lude in gebrech gezugt. Auch ist vns zu wissen kommen, daz Hanmann Waltmann vnd Hartmud sin Bruder an diesem nehst virgangin Mitwochen zu nacht in daz slozz sin kommen, mein icht, ob ir in gemanen mögt als er ewr Gefange ist; auch bedünkt vns daz die grossin Busse dem Huse wol schaden brengen, wen man sie dem Huse brenget wie nahe man wil, vnd die fust Busse ist erst an mitwochen zu Obend kommen vnd hat noch nit geschossen vnd ist als ir Geschirre gantz vnd wol in daz her kommen, auch wird die Fust Busse hude oder more schießen vnd vnße Herren der Hertzog hat bisher nit me, wan ein Busse, die ist der stein nit vil großer dan ein Heupt, vnd get vns vnd allen den ewern die ir in dem Felde habint von gots gnaden wol.

- Datum lxxxxix ipso die Udalrici vnder myn Sifrid von Glaubg Ingeß.

Sifrid von Glawburg vnd Heylman Schildknecht ewr Gedrwn etc.

Quellenansicht

Keine

Metadaten