Inhalt

Kopfregest:

Glaubensbekenntniss Erzbischof Lullus von Mainz.

Vollregest:

Fides sancti Lulli aei, fundatoris Magne Aecclesie hersfeld. Fidem meam catholicam quam in ecclesia christi didici exponere cupiens qualiter a me creditur vel docetur. juxta praeceptum apostolici pontificis Adriani pape et Missorum ejus Viemadi Tilpini possessoris (!) pontificum et missorum Dnj. rever. carlj Regis gloriosissimi Ego Lullus seruus seruorum Dej et Ecclesie Magoncicensis absque mortalium adiumento antistes, iuxta capacitatem, sensus mej nunc edissero. Credo in Vnum Deum patrem omnipotentem, omnivisibilem et Invisibilem factorem, qui ex nullo ducit originem et ipse est origo diuinitatis, ex quo omnia, ipse est pater verbj viventis sapientie et virtutis sue et figure, perfectus perfecti, genitor pater filij vnigeniti. Credo et in Dominum nostrum ihesum xpm verum deum per quem creata sunt omnia, filium, dei de patre natum, vnigenitum, hoc est de substantia patris, deum verum ex deo Vero, Lumen de Lumine, Natum non factum, eiusdem cum patre substantie, qui est solus ex solo deo, filius verus veri patris Invisibilis ex invisibili, incorruptibilis ex (in) corruptibili, immortalis ex immortalj, sempiternus ex sempiterno, ante omnia secula nouus, ex patre non factus, nec adoptiuus sed genitus, atque in premium equalis deo patri. Credo in spiritum sanctum deum verum ex patre procedentem et filio. Non factum nec genitum, sed procedentem equalem per omnia patri et filio, per quem pater et filius deus solus super omnia et in omnibus cognoscitur, Sic itaque sancta Trinitas pater et filius et spiritus sanctus per secula maiestate sempiternitate regnoque inseparabilis. Hec Trinitas vnus Deus est, ex quo omnia, per quem omnia, in quo omnia. Ita pater et filius et spiritus sanctus et in singulis quisque horum deus, et simul omnes vnicus deus id est in vna substantia deitatis manentes, et simul omnes vna substantia. Ipsum unicum dei filium qui absque initio eternitatem cum patre et spiritu sancto possidet, confiteor in fine seculorum perfectam naturam hominum suscepisse absque patre et verbum tamen esse factum - assumendo - hominem non permutando deitatem. Ipsum sanctum confiteor non fuisse pro semine sed potentia ac virtute recreacionis operatum (esse?) in filio.

Sic autem confiteor in cristo vnam filii esse personam, in dies dierum perfectum imaginospicium substantie esse deitatis et humanitatis, Passus est et filius vere omnia, que scriptura testatur, non secundum deitatem suam, in qua inpassibilis est vt pater et spiritus sanctus. Mortuus est ergo dej filius iuxta id, quod mori potenter, resurrexit tercia die Ascendit in coles (sic), sedit ad dexteram dei patris, Manente ea natura carnis in qua natus et passus est, et resurrexit. Non cum exinanita est humanitatis substantia sed glorificata et in eternum cum deitate mansura. Credo dominum Venturum ad iudicium Viuorum et mortuorum, Vt et iustos remuneret, et puniat peccatores, Resurrectionem carnis ita credens, vt dicam nos in eadem, in qua nunc sumus Veritate morituros, esse reparandos, qualesque semel post resurrectionem fuerimus effecti in perpetue mansuros, Animari quoque credimus occulto dei Judicio infantes in vtero materno, non partem esse deitatis, Liberum sic confiteor arbitrium, Vt dicam nos semper dei indigere auxilio hominem et peccare et non peccare posse. Vt semper nos liberi confiteamur esse arbitrii.

Hanc fidem in catolica didicimus ecclesia, in qua si incaute vel minus perite aliquid dictum sit, a doctoribus cupimus emendari. Hanc fidem meam ego Lullus Moguntinensis ciuitatis Antistes exposui. Anno Duodeno Regni domini nostri carlj regis gloriosissimi pontificatus mej Anno XXV similiter huic sancte Dej ecclesie cui deo annuente presidet sanctitas Adriani Pape sacramento iuxta preceptum sanctitatis eius per quatuor ewangelia cristi fidelitatem promisi cuius sanctitatem incolumem cristus dominus custodiat Amen.

Quellenansicht

Keine

Metadaten

Personenindex

• König: Karl der Große [768-814] (Nennung)
• Mainz: Lullus [Bi./Eb. 754-786] (Nennung)
• Reims: Tilpin [Eb. 748-795] (Nennung)
• Papst: Hadrian (Nennung)
• Possessor [Bi.] (Nennung)
• Trier: Wiomad [Eb. 757-791] (Nennung)

Ortsindex

• Hersfeld : Kloster/Abtei/Stift (Nennung)

Körperschaften

• Trier : Erzbischöfe (Nennung)
• Reims : Erzbischöfe (Nennung)