Inhalt

Kopfregest:

Erzbischof Liutpold gerät zu Worms mit Papst Leo IX. während des Gottesdienstes in einen liturgischen Streit. 

Vollregest:

Apostolico et imperatore natale dominicum divino et regio cultu Wormatiae agentibus, missarum celebratione in sancta die peracta ut oportuit ab apostolico, insequente die Liupoldum Mog. sedis aeum, utpote in sua diocesi precipuum, huic subrogavit officio. Qui peracta processione, et ubi ad hoc ventum est dicta oratione, postquam se in sua sede locavit, quidam ex diaconibus suis, Humbertus nomine, sicut multi ob illius festi venerationem solent, lectionem decantavit.... Qua finita, papa illum [diaconum] ad se vocavit et quasi pro inoboedientiae contumacia degradavit. Archiepiscopus vero misit ad illum, ut suum sibi redderet ministrum. Quod ubi papa abnuit, pontifex, ut erat antiquae disciplinae, licet egre patienter tamen interim tacendo sustinuit. Perlecto autem euangelio et decantato offertorio ubi sancti sacrificii tempus advenit, pontifex in sede sua resedit, vere contestans, nec se nec alium quempiam completurum illud officium nisi reciperet processionis suae ministrum. Quod ubi apostolicus intellexit, pontifici cessit, reindutumque continuo remisit. Quo recepto, debito se presul iniunxit officio. Qua in re et pontificis auctoritas et apostolici consideranda est humilitas, dum et ille officii sui dignitatem defendere contendebat, et iste, licet maioris dignitatis, metropolitano tamen in sua diocesi cedendum perpendebat. 

Quellenansicht

Keine

Metadaten

Personenindex

• Papst: Leo IX. [1049-1054] (Nennung)
• Mainz: Liutpold [Eb. 1051-1059] (Nennung)

Ortsindex

• Worms : Stadt (Nennung)