Inhalt

Kopfregest:

Erzbischof Bardo erregt durch seine erste Predigt vor dem Kaiser in Goslar den Spott der Zuhörer.

Vollregest:

Venit deinde ad regem in nativitate domini et salvatoris nostri et honorifice susceptus est. Erat ergo tunc [Goslariae]. Die ergo nativitatis Domini secundum primatum dignitatis suae missas die prima cepit agere. Stansque post evangelium in gradibus, sermonem declamavit verbis non pluribus .. nabatur [quam ordinabatur] ad vesperam. Cumque ad altare regrederetur, fuerunt ibi aliqui, qui, quasi aditu invento, inviduae suae fel evomuerunt; causantes tantae rusticitatis humunculum tam precelsae sedis factum episcopum; re autem vera invidentes, eum esse monachum. Doluit quoque etiam imperator, tanta eum laude se coram hominibus extulisse; poenituitque, umquam eum antistitem fecisse. Celeberrime igitur die illa auditi sunt, qui dicerent: Monachus est; aliquid esse potuit in suo monasteriolo, nequaquam tali congruit solio. Et quicunque aliquod in eum jaculabantur convicium, hoc in prima parte linguae jacuit, ut dicerent eum monachum; ut aperte intelligi posset, quidnam in illo sibi maxime displicuisset. Rex pene inpransus est, nullas quesivit delicias ciborum; quoniam ipse amare morsibus carpebatur lacerantium. Monachi Fuld.

Quellenansicht

Keine

Metadaten

Personenindex

• Mainz: Bardo [Eb. 1031-1051] (Nennung)

Ortsindex

• Goslar : Stadt (Nennung)