Inhalt

Kopfregest:

Krönung König Ottos I. in der Säulenhalle zu Aachen, welche den Kaiserpalast mit der Basilica Karls des Großen verbindet.

Vollregest:

Dum ea geruntur a ducibus ae caetero magistratu, pontifex maximus cum universo sacerdotali ordine et omni plebe infra in basilica praestolabatur processionem novi regis. Quo procedente, pontifex obvius laeva sua dextram tangit regis, suaque dextra lituum gestans, linea indutus, stola planetaque infulatus, progressusque in medium usque fani subsistit; et reversus ad populum, qui circumstabat - nam erant deambulatoria infra supraque in illa basilica in rotundum facta - quo ab omni populo cerni posset : En, inquit, adduco vobis a Deo electum, et a domino rerum Heinrico olim designatum, nunc vero a cunctis principibus regem factum Oddonem; si vobis ista electio placeat, dextris in coelis levatis significate. Ad haec omnis populus dextras in excelsum levans, cum clamore valido inprecati sunt prospera novo duci. Proinde processit pontifex cum rege, tunica stricta more Francorum induto, pone altare, super quod insignia regalia posita erant, gladius cum balteo, clamis cum armillis, baculus eum sceptro ac diadema. Et cum questio esset pontificum in consecrando rege, Treverensis videlicet et Coloniae Agrippinae - illius, quia antiquior sedes esset, et tamquam a beatro Petro apostolo fundata; istius vero, quia ad ejus diocesim pertineret locus; et ob id sibi convenire arbitrati sunt hujus consecrationis honorem - cessit tamen uterque eorum Hildiberhti cunctis notae almitati. Ipse autem accedens ad altare, et sumpto inde gladio cum balteo, conversus ad regem ait: Accipe, inquit, hunc gladium, quo eicias omnes Christi adversarios, barbaros et malos christianus, auctoritate divina tibi tradita, omni potestate totius imperii Francorum, ad firmissimam pacem omnium christianorum. Deinde sumptis armillis ac clamide, induit eum: His cornibus, inquit, humitenus demissis monearis, quo zelo fidei ferveas, et in pace tuenda perdurare usque in finem debere. Exinde sumpto sceptro baculoque: His signis, inquit, monitus, paterna castigatione subjectos corripias, primumque Dei ministris, viduis ac pupillis manum misericordiae porrigas; numquamque de capite tuo oleum miserationis deficiat, ut in praesenti et in futuro sempiterno praemio coroneris." Perfususque ilico oleo sancto et coronatus diademate aureo ab ipsis pontificibus Hildiberhto et Wicfrido, ac omni legitima consecratione completa, ab eisdem pontificibus ducitur ad solium, ad quod per cocleas adscendebatur, et erat inter duas marmoreas mirae pulchritudinis columpnas constructum, unde ipse omnes videre et ab omnibus ipse videri posset. Widukindi lib. II. in: M. G. SS. III, 437.

Hunc [Ottonem] Hillibertus, Mogantinae cura cathedrae, cum licentia Wigfridi, sanctae Coloniensis archipresulis, in euius diocesi hoc fuit [Aquisgrani] et auxilio Treverensis benedixit, anno dominicae incarnationis 936 in aecclesia sanctae Mariae semper virginis, quam cum omni diligentia magnus construxit Karolus. Thietmari Chron. l. c. 744.

Vergl. Phillips, Ueber Erb- u. Wahlrecht. in: Vermischte Schriften. I, 104. u. Otto's I Wahl u. Krönung zum Könige der Deutschen. a. a. o. 303 flgde.; Köpke, Widukind. S. 128 flgde.; Floto, K. Heinrich IV. Bd. II, Anhg. 2, S. 432; Landsteiner, K. Otto i. Kampfe m. d. Herzogen. 17; Waitz, Die Formeln d. deutschen Königs- u. röm. Kaiserkrönung. 28.

Quellenansicht

Keine

Metadaten

Personenindex

• König: Karl der Große [768-814] (Nennung)
• Köln: Wichfrid [Eb. 924-953] (Nennung)
• König: Otto I. [936-973] (Nennung)

Ortsindex

• Basilika : Basilika (Nennung)
• Aachen : Marienstift (Nennung)
• Aachen : Kaiserpalast (Nennung)

Körperschaften

• Trier : Erzbischöfe (Nennung)